Me preocupe eth mon dera restauracion artistica e des critèris que s’apliquen e der emplec que se’n hè ena Val d’Aran. Me preocupen cèrtes decisions que s’estan prenent e qu’atenten contra un auançament sociau o contra era volentat des usuaris mès dirèctes. Cau preservar es bens, mès açò non vò díder inactivitat. Massa soent se prescindís de valoracions sociaus, deth besonh, der hèt religiós (tanben sociau) e dera utilitat que pòt auer eth ben a restaurar, o eth ben a bastir, e s’apliquen sonque critèris artistics producte dera avaloracion d’un limitat nombre d’individus que tot e auer-i experiéncia, non son es qu’an de considerar es efèctes sociaus d’ua determinada postura, e non ac hèn. [+]

Hè quauqui dies era Assamblada Nacionau Francesa aprovèc per majoria inclodir ua reforma en Article 1 dera Cosntitucion que diguie qu’es “Lengues Regionaus formen part dera patrimoni” dera Republica. Ua declaracion tan simple lheuèc expectatives entre es reivindicadors des identitats, entre es quaus es occitans. Toti contents e expectants. Ath cap de pògui dies era Acadèmia Francesa hec ua declaracion. Diguec causes tan gròsses coma qu’açò atente contra era coesion nacionau, que se denigre era Republica, qu’es conseqüéncies seran grèus, qu’era proteccion des lengües regionaus non s’a de plaçar ena Constitucion. [+]

Era Seccion d’Estudis Juridics der Institut d’Estudis Aranesi està hènt un bon trebalh, maugrat era manca de facilitacions qu’a. An elaborat quauques propòstes que, talament coma a d’èster, an presentat ath Conselh Generau d’Aran. Per un costat an sabut aportar ua critica especifica ath Recors d’inconstitucionalitat der Estatut qu’a presentat eth Partit Popular e que menace ara Lei de Regim Especiau dera Val d’Aran. e ar autogovèrn aranés Per un aute costat an presentat prepaustes respècte dera manca de respète envèrs es institucions araneses, qu’a demostrat eth Parlament de Catalonha en moment de hèr es compilacions de Dret Civil català. [+]

Eth Congrès dera setmana que ven aportarà era orientacion de besonh e era consolidacion d’ERC ath torn d’un projècte comun pilotat pera naua direccion d’Esquerra Republicana de Catalonha . Es eleccions d’ager dissabte deishèren un messatge clar: era direccion d’ERC ei compausada peth President Puigcercòs e peth Secretari Ridao, mès calerà possar ua linia unitària d’integracion. Entà toti, ara ei eth moment dera unitat. [+]

M’a cridat era atencion eth debat qu’a promoigut “Aran información” sus eth modèu toristic ena Val d’Aran.
Ei un debat qu’aurie de potenciar eth Conselh Generau damb ua participacion ampla, molt ampla e surtot especializada, que huge de tremendismes e de tòpics alarmants.
En aguest cas eth debat, que segur qu’auetz podut liéger, donques qu’era publicacion gaudís d’ua ampla difusion, ei sonque de tres persones e per tant resulte insuficient e reflèxe intencionalitats determinades, ena eleccion des persones. [+]