Tradicionauments, en Aran, auem estat ath finau des servicis. Quan ena rèsta de Catalonha o der Estat ja ac auien tot, alavetz se començaue a plantejar qu'en Aran faltauen carretères, mieis de comunicacion, que i auien deficiencies de recepcion, … Era situacion hè mens de cent ans auie arribat a posicionaments preocupants e de depression. Se construic eth prumèr tunèl de Vielha entà comonicar es estats vesins, mès que non pas entà hèr un servici ara Val d’Aran.

[+]

Non e podut saber ben ben quina quantitat receberan es ajuntaments dera Val d’Aran entà lutar contra era crisis. Aquera mesura que damb carácter d’urgéncia a desvolopat eth govèrn central en tot crear un “Fondo Estatal para la Inversion Local” ei iniciauments d’agrair, donques que va a perméter qu’arriben uns dinèrs enes arques municipaus. E mès encara enes municipis aranesi a on quauqui Ajuntaments van a èster es administracions que mès van a patir era crisi donques qu’er arturament dera construccion va a produir problèmes d’inversion e de liquiditat en dimensions importantes. [+]

Ager se realisèc ua manifestacion en Les coma conseqüéncia dera persecocion qu’un sector, important sector, dera Val d’Aran està realizant contra er os. Persecocion justificada ena manca de consideracion ath país des qu’an promoigut era reintrodoccion der os. Eth pòble s’a enfadat e s’a manifestat . Personaument me dò era manca de respècte des administracions envers es persones que viuem en territòri. Totun non creigui enes reaccions primàries, senon enes acordades, razonades, pactades,…
Era manifestacion convocada des de diuèrses instàncies compdaue damb representants de diuèrsi de partits politics aranesi e d’organizacions sociaus.

[+]