Carcassona, ager dissabte, siguec ua hèsta. Era celebracion de molti des que i assistiren ère evidenta,... e tot e atau non sabi que celebrauen. I auien fòrça paradetes que venien rebrembes, samarretes, pastissets, libres,... Era manifestacion ère molt particolar e hestiva. Ere mès ua manifestacion culturala que non pas ua manifestacion politica. I auec era intervencion de representants dera administracion, causa que me semble mès pròpi, d’un congrés o dera inauguracion d’un certamen que non pas d’ua manifestacion reivindicativa. [+]

Era soleta possibilitat de subsisténcia d’Occitània, e tanben d’Aran, passe pera politica. N’i an molti que considèren que se tracte sonque un problèma culturau e que n’i a pro damb era facilitacion dera expression en occitan, en cèrti encastres. Non ei atau. Occitània perviuerà se ath darrèr dera lengua i an institucions potentes que la pòden mantier. Aguest a estat er exemple catalan e er exemple aranés. [+]

Er estat sociau dera lengua occitana ei lamentable. Molti observadors asseguren qu’ei en perilh de mòrt, era sua preséncia en ensenhament ei testimoniau, er emplec que se’n hè enes mieis de comunicación ei anecdotic,… Tot e qu’era sua proteccion en Catalonha ei emblematica e qu’en Aran ei encara fòrça presenta, non podem valorar es sues possibilitats de superviuença pera sua situacion en ua comonitat de 10.000 persones (era aranesa). [+]

Eth procés de promocion der aranés ena escòla ei un d’aqueri hèts sociaus que calerie conéisher e difóner, per ua rason basica: a estat er encastre sociau, dera Val d’Aran, a on era expression de defensa dera identitat a estat mès clara, mès decidida qu’en quinsevolh aute. Ne tant solet, ena politica a on i a auut fòrça possament, s’a auut tanta consisténcia. Ath long de trenta ans, des dera fin des ans 70, s’a auançat dera simpla classa volentaria a un sistèma qu’assegure que toti es mainatges d’Aran aprenen era lectoescritura en occitan e era preséncia der aprenentatge der occitan e en occitan ei assegurada enquia eth bachilherat. Francaments, creigui que costarie de trapar ua comonitat de tant reduides dimensions coma era aranesa que posque presentar entre es sues caracteristiques aguest hèt. [+]

Sòne a “país de pandereta”. Quan se demanec era opinion, en referendum, ath pòble catalan, sus er Estatut, se li demanèc sus ua qüestion que podie èster inconstitucional. E ara, dempús de tres ans qu’eth Congres des Deputats e Catalonha, l’an votat positivament, un tribunau espanhòu, polititzat, pòt díder qu’aquerò non complís damb era Constitucion. Es conseqüéncies, s’era resolocion considère que i an aspèctes inconstitucionaus, seran negatives entara convivéncia e s’iniciaran conflictes politics intensi. Catalonha en pòt gésser afectada. [+]