Començarè damb era reprodoccion d’un bocin de çò que e publicat en Segre aguesta passada setmana : “Un amic, Mariano Allocco, des Valades Occitanes, d’Itàlia, m’a enviat un libre: “Ex sudore Populi”. Mariano, qu’ei un bon occitanista (que coneish era Val d’Aran), cre qu’existís ua dualitat enfrentada entre era pòca dedicacion des govèrns as “Nautes Tèrres” e eth benefici continu des “Granes Planes”.

[+]

Eth President d’Aragon a manifestat que vò qu’Aragon sigue candidat as Jocs Olimpics d’Iuèrn deth 2018 amassa damb Andorra. Eth problèma ei qu’a manifestat qu’en aguest acòrd non vò que i sigue Catalonha, e per extension era Val d’Aran. Cada dia compreni mens cèrti posicionaments d’enfrontaments e era responsa de cèrti politics. Marcelino Iglesias qu’a auut ua part dera sua vida ena Val d’Aran, qu’a boni amics e companhs de partit (PSOE) en Aran, que tot soent s’esfòrcen en rebrembar era sua relacion, ditz que des beneficis d’uns possibles jòcs olimpics, Aragon i serà se non i e era Val d’Aran (o Catalonha)… Increible!.

[+]

E vist ena prumèra plana dera Web deth Conselh Generau era notícia de qu’ “Aran organize era prumèra setmana d’esquí gai”. Era prumèra lectura m’a indignat perque e interpretat qu’era organización gessie deth Conselh Generau d’Aran. Dempús e constatat qu’ère ua empresa (Aran vacances) era qu’ac organize e qu’eth Conselh Generau ac patrocine. Açò vò díder qu’era notícia aurie d’èster que “En Aran s’organize era prumèra setmana d’esquí gai” . [+]

Aguesta setmana s’a produit eth debat d’orientacion de politica generau en Parlament de Catalonha. Eth dia 30 de seteme eth President Montilla prononcièc un discors en que manifèstèc que “Era futura Lei des govèrns locaus, era Lei deth Conselh de Governs Locaus de Catalonha e era Lei de transicion des deputacions as vegueries haran qu’era vegueria sigue er encastre territoriau especific entar exercici deth govèrn intermunicipau de cooperacion locau.

[+]